Sekretari i Përgjithshëm i OKB-së Antonio Guterres tha se vendet në zhvillim po paguajnë një “çmim të tmerrshëm” për varësinë e botës nga lëndët djegëse fosile, ndërsa ai vizitoi pjesët e Pakistanit të goditura nga përmbytjet e ndryshimeve klimatike.

Afër 1,400 njerëz humbën jetën si pasojë e përmbytjeve që përfshinë një të tretën e vendit, një zonë sa madhësia e Mbretërisë së Bashkuar, duke shkatërruar kështu të korrat, shtëpitë, bizneset, rrugët dhe urat, transmeton portal arbresh.info

“Nga Islamabadi, unë po i bëj një thirrje botës: Ndaloni çmendurinë. Investoni tani në energjinë e rinovueshme. Mbyllni luftën me natyrën,” tha Guterres.

Pakistani zakonisht përjeton shira të dendur, shpesh shkatërrues, në sezonin e musonit, i cili është thelbësor për bujqësinë dhe furnizimin me ujë. Por reshje të tilla intensive si këtë vit nuk janë parë prej dekadash.

Gueterres u ankua për mungesën e vëmendjes e botës kundrejt ndryshimeve klimatike, sidomos kombet e industrializuara, të cilat sipas shkencëtarëve janë fajtorët kryesorë.

Rreth 33 milionë njerëz u prekën nga përmbytjet, në të cilat u shkatërruan rreth dy milionë shtëpi dhe ambiente biznesi, u shkatërruan 7 mijë kilometra rrugë dhe u shkatërruan 500 ura.

Byroja e Meteorologjisë thotë se Pakistani ka parë pesë herë më shumë shi se normalja në vitin 2022./arbresh.info/

Pakistan and other developing countries are paying a horrific price for the intransigence of big emitters that continue to bet on fossil fuels.

From Islamabad, I am issuing a global appeal:

Stop the madness.

Invest in renewable energy now.

End the war with nature. pic.twitter.com/P0jtVikv1r

— António Guterres (@antonioguterres) September 10, 2022